KA PI (ka pa nu) hi tunah kum 92 na a hmang mek a, pitarah chuan a hmeltha pawl tak niin ka hria. "Lalmam" tiin duat takin min ko thin a. Kan unau hi 8 lai kan ni a, ka nu leh pate sawidanin kan unauza zingah chuan KA PI hian keimah min duat ber awm e. Keipawhin chu chu a dikin ka hria. Mahse ka unau dangte pawn anmahni duat berin an inhre theuh nia.
KA PI hian ka sawi tawh ang khan min duat hle mai a. Nikhua ka hriat tirh atang khan ka school bang hi ka ipte minlo laksak a, ka uniform min thlaksak a, thingpui min siamsak ziah thin. Naupang te e tilo khan thingpui ka heh thin ziate kha aw.... Kum 17 ka nih thlengin a bulah ka mu. A mit that lai chuan zantin Bible a chhiar ziah thin. A mit fiah tawh loh hnu tun thleng pawh hian ka la chhiarsak fo mai.
2005 kum khan tumkhat ka school bang hian kan inhnuaia alo lut hi ka hmu a. Ka kekawr tla chhar a tum lo niin. Ka hmuh lai tak chuan lung a rap pial a, a tlu ta thut mai. A ban dinglam chuan ban kil hriam lai tak chu a va vua a, a tliak nghal hnawp a, khami tuma ka manganzia kha awww. Chhungte tumah inah anlo awm silo. Ka pawm chhova, khumah ka mut a, tar kum 80 chuang tawhin khatiang khawpa na a han tuar hmel ka hmuh khan a aia na tawrh ka chak em em mai. Ka tahpui hial ani...
Damdawiinah pawh keiman ka riahpui a. A bulah ka muve a. Tlangval a pumpa, pitar bula han mut chu mi thenkhatin mak min lo ti deuh hlek ani awm e. "Engtinnge tar bulah i mut theih?" tia min zawt te pawh an awm nual nia. Keichuan "Engvanginnge ka mut loh lem ang ni? Ka tan chuan 'tar' ani satliah lova, KA PI ania sin. Ka nausen tet lai atanga min awmtleitu ani a, a mi tawngtaisakna avanga vawiin khaweng hi la hmu thei chauh ka nia sin" tiin ka chhang hlawm anih kha.
Ka nupui boral hnu pawh hian tun thlengin ka school ban apianga thingpuino minlo hlantu ala ni a. Engtik niah emaw chuan he lei dan zawmin minla kalsan ve leh ngei dawn tih ka hria. Chutih hun tur chu ka huphurhlawk takzet ani...
Tunlaiah mi tamtak, an pi leh pute zahpui ching an lo awm ta hian KA PI ka hmangaihna hi a tizual zawk thung. Thenkhat chuan mikhual neih nikhuate hian chaw kil tir ve lovin room hranah chaweitir an ching, inthlahrung reng rengin a hringnun chawhnu lam an hman liamtir thin. An thut theih chhung chuan ka tihve ngailoh kumkhua tur thil ani a, an inthlahrun lohna tura theihtawp chhuah hi ka tihtur a ni. Keichuan mi tamtakin an nin em em thin, a dilchhut te hi ka ningve dawn lova. A bengchhet vang anih hriain ka chhang zel ang. Mi tamtak zahna thin, khawlai lenpuite hi ka zak dawnlo. Minlo hmumawhtu hnenah chuan chaw sehsawma min hrai liantu anih thu ka hrilh zel mai ang.
Damchhung hun tawite hmantur a la neih hi hlimtakin ka hman liamtir ang a, ka hmangaihna hi kawng tinrengah lantir ka tum thin ang
OLD IS GOLD
a ngaihnawmin a tha hle mai...ka chhiar laiin middle school a kan zir thin a thawnthu hming kha ka chiang tawh lo,mipa naupangin api chunga a nu leh pain an tih dan anga an tar ve huna an hman tur wooden bowl a ker ngat ngat kha ka hrechhuak rauh rauh mai...
ReplyDeleteFellington, i rawn visit a, ka lawm takzet e, rawn tlawh ve fo turin ka sawm che
ReplyDeleteKha naupangte kha a hming ka la hria asin, HAMID a nih tak kha tiro?
Pi damrei pui tak tu che i nei chu i vannei hle mai. Kum 92 dam thlen hi tunlai hian an tlem sawt khawp mai.
ReplyDeleteTunlai-ah hian, pi leh pute chu sawi loh; mahni nu leh pate ngei zahpui pawh kan tam tawh khawp mai!!
Ka sawi tum pawimawh deuh ka sawi hmaih :-)
ReplyDeleteEPL-ah tutute nge champ ta ? Hehe
@seki, dik khawp mai. Mahni hringtu ngei zahpui an tam ta ltk hi ka vei khawp mai. Tualchhung chanchinbu vela ziah vak te hi ania ka chak ni
ReplyDeleteEPL kha maw? Season khat chu kan lo nghah leh angai dawn anih kha maw...hahaha
I pi chu a vannei ngei mai,heti khawpa duattu tupa, fel tak a nei che hi,vannei a inti ve ngawtin ka ring. Ka pi min tihrechhuak vawng vang mai. Ka pi pawh kha a hriatna a hlauh then tawh hnu thleng khan ka inkhawmpui thin a,in lama a buai hle pawhin Biakinah chuan a buai ngai miahlo nia,ka ngai mange aw... Tun thlenga 'pi' duat tur i la nei chu i vannei e,ka lawmpui a che. I thu ziak chhiar a nuam thin khawp mai.
ReplyDeleteThanks, hanc. I reh vawng vawng teh e
ReplyDeleteI sikul bang lo chhawntu tur che i nupui i nupui duhtak a awm ve ta lo chu ka khawngaih khawp mai che.
ReplyDeleteI pi chu a fel hle mai maw. Tar te hi an khua a har ve thinin an chaklai, an vanglai te kha an ngai ve thin khawpin ka ring. Kan khawvel inlumlet danglam chak tak hian an kalsan hmiah hmiah mai si a, anni tan lah han in adjust ve zel a harsa dawn si. thian kawm tur an nei lo bawk nen, an khawngaihthlak asin. nang zawng, i fel a, i pi i kawm hlim peih a, a zia tak a awm e.
A dik khawp mai cari. Hrehawm tinreng tuarin min awmtlei a, inthlahrung lova min siamtu kha inthlahrung reng reng in kan awmtir thin anih hi. Tuna an awmdan zawng zawngte hi an duhdan ani bik lova, theih nise inchhungkhur tana tangkaive hi an chak ani. Chu tak chu mi tamtakin an nin leh hnawk an tih chhan ani si. An tan hian khua a var lo takmeuh ani
ReplyDeletehelo,Aries,a van ngaihnawm em2 ve a,keipoh ka PI(ka NU PI leh chhawng) chuan kum 98 mi niin min boral san a,ka hming phuahtu ni hial a,ka tan chuan a va han hlu em...mahse ,keichu ka PI leh PU(ka pa nu leh pa) te hian,min awm ve lova,mi chu an tu te hi an hmangiah thin,kei ni unau chuan PI hmangaihna hi kan dawng ve em2 lo(soi top mai ang),kei pohin ka len hnu hian,ka ngaina ve chauh,mahse,ka ngai ngai lo.vawiin ni thleng hian.mahse nang chu,Pi tha tak duattu i nei hi i vannei,ka lo tawngtai pui ve ang che.
ReplyDelete