Constituency khat mai nilo, District huap mai pawh nilo, a ram pumpui ang huap pawha THAWHCHHUAH aia mamawh ngah zawkte ram, kan Zoramah hian kan nunphung leh khawsazia hi a tha zawng leh rintlak zawnga her rem hi a va han harsa dawn em!! Kan thalaite lah hian thawhchhuah nei hawt silo hian, thil changkang leh mawihnai leh a tunlai hi an hre em em a, chungte lah chu mahni neih engmah awm lawi silo. Mahni n neizo hawt silo hian Maruti 800, cheng nuai chuang fe man chu thing tawh te kan ti vel thul. Kamis manto deuh leina tur leh mahni phone bill takngial pawh nei zolo hian cheng 40000 man bike te chu kan la hmusit ve khanglang lehnghal nen!! Aw...mahni'n nei pha ve uk lo hian mi chuanna tur motor leh mi ta tur Computer leh mobile handset lo hriat changkan puite hi kan intihtheihna te zu nia! Mi ta tur hriat changkan sak ai chuan mahniin neihve tum ila, a va han changkang lehzual dawn em!! I chhiar hi a awmzia i hria em?
Nulate lah hi, an taksa leh fuke an khuhmawina te chu lo dahtha ta ila, an lu ringawt atana an knowledge zauzia te hi aw!! Sahbon dip, diak, tlang, tuiril ho hming an hriat hnemzia te hi! A man chu sawilo mai ila, an mithmul sawisakna chi hrang hrang, a hnawih tialna chi hrang hrang, aaaaaa,....hmui cheina tur hlo leh pencil ang tak te, ka hre seng velo... Hmaihnawih diak, phut, tuiril...nia, sam pawhngilna leh tihkirna nen... A changa sam dum, a changa sen, tial, pawl..chi hrang hrangin.....aww... thawhchhuah neilo mamawh atan chuan a va thahnem em!. An lehkhabu chhiar duh te lah hi, M & B, Crime leh Sex lam rawngkai ziahna....romance.... Film lam pawh chuti tho. Thenkhat lahin Setana biak leh lo lesbian kawi vel te chu changkang nihna emaw an ti bawk. Chutiang tuipuilo leh tive ngailo te chu an la hmu khawlo zaw mah lehnghal.... I chhiar hi a awmzia i hria em?
A dik khawp mai. Kan thalaite nun tha lo leh khawlo, changkanna dik lo taka changkang chho mek, rilru hruai suala awm tawh thalai, intodelhna chang hre lo leh chuti pawha zak chuang lo thalaite dinhmun i ziak chiang khawpin ka hria.
ReplyDelete...an lu ringawt atana an knowledge zauzia te hi aw!! Hei hi ka chhiar laiin ka nui vei tut tut mai! A dik ka ti lutuk a..
A va han dik tak em... Ka ngaihtuahna a ti thui hle mai. Tunlai kan thalai te dinhmun tawi fel takin i rawn tarlang thiam hle mai.
ReplyDeleteI thuziak ka chhiar hi a awmzia ka hria e, i sawi fiah chiang em alawm. Thu tawite te, awmze nei thui tak tak ziak i thiam bik khawp mai. Heti lam kawngah leh a bak zawngah ka tluk lo che. I thusawi ho hi a dik ka ti lutuk, ka thlawp e.
ReplyDeleteThankz for your valuable and constructive comments, friends...
ReplyDelete