Kum 2007 zet kha chu ka tan kum tha ava ni em... Ka Graduate kum ani a, nupui ka neih kum ani bawk a. Hna thar ka chelh kum ani bawk. Sawitak zelah chuan natna khuma thih ngam deuhthawa hun rei tak ka hman, ka dam leh kum ani tel bawk. Ka tan chuan kum duhawm ber ani hial awm e.
Chumi hnuah 28th October, 2008 zan dar 9:30 ah ka nupuiin fapa duhawm tak min hrinsak a (a pianhlim a hmelchhia ka tih si zia te tak kha aw). Ka tan chuan khawvel hi a par ani ringawt mai...
Mahse kum 2009 erawh ka tan kum vanduai ani vethung. A hmaa vanneihna ka sawi tak zawng zawngte kha vanduaina ah a rawn chang ta!!!... Ka hna atangin ban ka ni a, ka nupui ka hmangaih em em chuan 9th April (ka birthday) ah min boralsan a (ka birthday lawm dantur kan rel dun laite kha aw). Chumi hnu lawkah natna khumah khumbetin hun ka hmang leh ta bawk....
Mahse Engkimtitheia hian kei leh ka fapa hi engtiklai mahin minlo thlahthlam ngai reng renglo. Ka natna min lakkian sak a, hna thar min pe bawk a, hmangaihtu chhungte ka nei a, hmangaih tur fapa ka nei bawk a. Engdang tehlul nge ka la ngaih ang? Ka nupui boral hnu, ka rilru beidawn em em lai, mahni nunna hial pawh lak chak khawpa hun ka hman lai te khan kawng hrang hrangin harsatna min siam thin a. Tun huna Amah ka pan theihna hun hi alo nghak ani tih hi ka hrechhuak tlai lek lek zawk hial ani.
Heti hian Pathian hnenah lawmthu ka sawi thin...
"Lalpa, nang chuan engkimah min hria a, ka nunna min vensak thin avangin ka lawm e. Ka fapa pawh a hmalam hun zawng zawng nang a hretu i ni a, min enkawlsak dawn avangin lawmthu ka hrilh a che. Ka hmangaih ber min laksak avangin ka demlo che a, chumi avanga nunthar min pek zawk avangin lawmthu ka hrilh bawk che ani. A hma khan ka hun i tan ka pe phallo thin a, tunah erawh ka nun ka hlan ta zawk a che. Ka hun hman lehzel turah min vengtu leh enkawltu ni zel ang che" tiin.
NO MATTER HOW MANY YEARS AND TIME PASSES....JENNY, YOU'LL STILL REMAIN IN MY HEART
Pu Cyber, I van lo tuar nasa ve le!! Khawppui chan hi engtianga na nge anih ka tawmpui pha hrih lo nang chein, a na tawk ang tih erawh ka ringhlel lo. I fapa pawh Lalpa malsawmna a dang zel ang.
ReplyDeleteNia, a hma khan ka vanduaina leh ka tawrhna te ka chhiar thin a, tunah erawh A malsawmna ka chhiar chho ve tan ta
ReplyDeleteCyber,i tawrh na zawng zangte hi a va nasa ve aw...!I pachang hle mai.Amaherawhchu tuarna phena malsawmna i hmu thiam hi i awhawm ka ti hle mai.I hun leh ni te A tana i hman zel theih nan duhsakna ka hlan a che.
ReplyDeleteMapui, ka lawm lutuk aw... Engtiklai pawn tawngtaipui ka mamawh reng ania
ReplyDeleteCyber, hei tunah blog i nei tih ka hre ve chauh! Ka lainatna che hi a rei tawh mai! ka hrilh fo che kha! Tunah i nun tih danglam in a awm tih ka hriat hian ka lawm a, ka tawngtaina chhanna ka hmu hi ka va lawm tak em! I thuziah khian ka hnuk a ti ulh thar leh tlat mai!Pathianin in pafa in a awmpui zel ang che u tih ka ringhlel love!
ReplyDelete@maisek, hman atanga thil engkim ka hrilh ngam, min tawngtaisak rengtu i ni a, i chungah ka lawm hle mai....
ReplyDelete