Khawvelah hian thiltithei tak tak an tam a, rei tak tak ram hruaitu nihna chelh sawi tur an tam mai. Thenkhatte hi chu thuneihna hmansual avanga rei tak tak ram hruaitu ni an awm. Khawvelah Dictatorship duhlohna a lian tial tial a, heng mite hi paihthlakin an awm mek anih hi. Hei hi tunlai khawvel news ani. Kumin phei chu hetiang lama inpaihthlak hi a hluar hle a, nawrhna liantham fe fe a thleng mup mup anih hi...!! Ram hruaitu nihna chelh rei deuh deuh mi pathum chanchin hi han tarlang dawn teh ang
(1) MUAMMAR AL GADDAFI:- Kum 1969 a Libya lal King Idris paihthla a tun thlenga Libya ram thuneitu ber, Colonel Gaddafi hian kum 42 tehmeuh mai Libya ah hian ro a rel tawh nia!! NATO sipaiten paihthlak tumin an bei mek a, ram buaitak leh hrehawm ber pawl an ni. Gaddafi hian khawvel ram hrang hrang hruaitute lu a tihai hle a, an ram mipui tamtakin an duh tawhlo. An hmalam hun tur khawvelin a thlir mek ani
(2) ALI ABDULLAH SALEH:- Yemen ram President Saleh hian 1978 atang khan vawiin thleng ro a la rel a, paihthlak tumin an ram mipui an inhawrkhawm tuau tuau reng. Nunna tamtak chan ani tawh a, khawvel tibuaitu pakhat a tling. Equatorial Guinea President Teodoro Obiang Nguema leh Angola President Jose Eduardo Santos te pawh hian 1979 atang khan an ram hi an awp bawk
(3) HOSNI MUBARAK:- Kumin 2011, February 21 a an ram mipuiten an paihthlak tak, Egypt President thin Hosni Mubarak khan kum 30 chhung Egypt ah ro a rel. Khawvel ram hruaitu thiltithei ber pawl a ni. Tunah chuan paihthlakin a awm a, a chungchang ngaihtuah hmabakin a awm mek
Hetiang hi sawitur an awm nual a, a langsar deuh deuh ka han tarlang ani. India ram ah pawh kum 34 chhung tehmeuh mai W.Bengal a rorel tawh CPI(M) chu hmanni lawk khan vote hmangin paih an lo nihve bawk kha.
Kan Mizoram hi ka han thlirve a, hetiang khawpa mipui phun lungawilo vuivai thawm a rin tawh hnu pawh a tharum hmanga thuneitute tibuai em kan la awmlo(?) te hi vanneihna nasa tak a va ni em!! Mi ram buaina hi ralthlir mai mai lova keimahni lam inenfiahnan a kan lo hman thiam loh chuan mitkhapkar lovah kan ram hi min rawn run thleng ve dawn tih i hria ang u
Mahni veng chhunga eng pawl emawa hruaitu nih pawh thil harsa a nia, ram khat hruaitu nih phei chu har tak tur a ni. I rawn tarlan ho zet khi chuh, an ropui takzet ani ka ti lo thei lo, an lal chhung a rei rem rem em mai. Cyber-a nge nge, i zarah, maipawl put ngai hauh lovin, beng a var leh ta hawk hawk mai.
ReplyDeleteA va tha ve. An ni lo pawh hi an awm nual ka ring. Lo ti zel la, a bengvarthlak alawm. Tripura CM hlawh la tlem em ema pawh kha han ti la...thanks for sharing...
ReplyDelete.@caribou, nia tiraw. khing ho pawh khi dictator an ni nain an dinhmun ang thleng thei tur chuan keini ang duang tan chuan tlin chi rual anilo. mi ropui bik hi chu an lo awm ani
ReplyDelete@dolerich, in rawn comment vat a, a lawmawm dangdai hle mai. nia, khapa chanchin kha ka han dapkual a, chiang felfai taka khalai a hlawh chungchang ziahna ka hmu zo tlat lo nia. ka zawng zau tawk lo nge niang a rumour mai mai pawh ka hre tawh lo. ka la zawng zel e
A thain a bengvarthlak ka ti khawp mai. Phone atangin comment form a lang thei lo tlat mai a, ka rawn tlai ta deuh a ni. Kum ziah dik loh pawh a lo dik tawh e!! A dang, hetiang lampang rawngkai, bengvarthlak si rawn ti zel rawh.
ReplyDeleteTs, i rawn lan hmain ka tidik vat alawm. Nang correct tupa i rawn che har ani. I reh ltk a, ngaihawm khawp mai
ReplyDelete